يا من كنت حبيبي

رسمت قلبك وسط الطريق
وكنت بحياتي نجا الغريق

واحترت اوصف حبي ليك
حقول حياتي شوية عليك

وطرت معاك لاجمل سما
وتخيلت قربك مني هنا

يا ما حضنتك بساعات لياليه
وخبيت صورتك في دموع عنيه

وكنت فكراك انك بشر
وتخيلت نفسي حلم العمر

وبعد ما صحيت لقيت ايه ؟؟
غدر واهانه ... كل ده ليه ؟؟

عشان حبيتك حب جنون ؟؟
وقلبي معاك كان قلب حنون ؟؟

كنت بدربي نور الفرح
وعشت بكذبك ساعة جرح

وكتبت اسمك نغمة بألحاني
وبردد صوتك بأعذب معاني

دا أنا كنت بجد عبيطة
يوم ما رميت نفسي البريئة

تحت شوك ورد الخداع
ودلوقتي مُت وقلبي ضاع

لا قادره انسى واكره حياتك
ولا قادره ارجع لدمع اهاتك

حموت وانا لسه فاكره
اني بحياتك كنت فكره

شوية قروش تعيش منهم
وتبني نفسك بعنيه ودمعهم

روح يا حبيبي ... يالي كنت حبيبي !!
وخد معاك جرحي ودموع سنيني

ورجع قلبي الي عاش في وهمك
وسبني الملم حياتي بعد ظلمك

ربنا يسامحك ويغفرلك
كسرة قلبي وخسارة قلبك !!!!