يوميات طالب زهقان

وعدنا اليكم مثلما وعدنا مع احد مواضيع الطالب الزهقان وابتدى المشوار زى ما قال عبد الحليم لما صحيت من النوم على رنة تليفون وقلت الو لاقيتة صحبى وبقولى الحق النتيجة طلعت يا باشا المهم سبت الراجل على التليفون وجريت على الكمبيوتر ولما جبت النتيجة لاحظت شى مختلف عن باقى الكليات وهو ان النتيجة مبهمة يعنى يا اما تقدير عام بس يا اما راسب او ناجح بعدد من المواد سبحان الله طب فين تقدير كل مادة على حدة وقولت يمكن حتتعلق فىالكلية ولكن كالعادة طغت المادة على كل شى وظهر المعدن النفيس وطلع دة كلة عشان 15 جنية وعلى راى عبدالفتاح القصرى لا ممكن اتنازل عن حقى رغم ان كلية الاداب فقط هى صاحبة هذا السبق المهم خلصت موضوعنا و ماشى لاقيت صاحبى بتاع التليفون فكرينة طلع بمادة وقال اية المادة بخمسين جنية ودة بياكد مجانية التعليم ولكن ظهرت المصيبةالكبرى عندما وجدت صديق اخر وسالتة عملت اية قال النتيجة محجوبة اصلى لسة مدفعتش انت عارف بقى اصل انا انتساب والنبى دة كلام وهو دة التعليم وهى دى المجانية مش كفاية التعامل بتاع شئون الطلبة مع الطلاب وكالعادة روحت البت وعلى لسانى كلمة عجبى .....وللحديث بقية


اعتذر عن تاخر اليوميات نظرا لانها لاتحكى يوماتى العادية التى لن اضيع بها وقتكم الثمين وانما ليومياتى التى اجد بها الكثير من السلبيات والامور العجيبة....وللحديث بقية